POEM!

Paghanga

Ni: Ryanne Aina B. Unarce

Pagkapasok sa pinto ng eskwelahan

Napaisip na ako, kung ano ang gagawin ko ngayon

Kasama ang aking mga kaibigan

Ako’y biglang napatingin sa aking kanan

Unang makita, ang puso’y tumibok

Nang kay bilis at hindi na huminto

Unang tingin pa lamang ako’y nagtataka

Kung ano ang aking nararamdaman.

Ako ay palaging masaya

Tuwing nakikita ko ang matamis mong ngiti

At ang mga mata mo’y kumikinang

Tulad ng mga tala sa langit

Boses mo pa lang, ako’y hindi na makahinga

Dahil pati ang aking hininga nakuha mo na.

Kumanta ka lang, napapakanta na rin ako

Dahil kasing ganda nito si Ma’am Domingo

Tuwing ikaw ay dumadaan, hindi na ako maka – imik

At tila wala nang maisip

Hindi na rin alam kung ano ang gagawin

Ngunit hindi ko alam kung bakit

Sana’y malaman kahit ang iyong pangalan

Sana’y makausap, kahit isang salita lang

Sana’y makilala kung sino ka nga talaga

Upang masabi ko kung sino ang aking hinahangaan